İran bu gün də Xankəndiyə silah yollayır - Laçın koridorunda yaranan tıxac

İran bu gün də Xankəndiyə silah yollayır - Laçın koridorunda yaranan tıxac

"Müharibə başlayandan, ondan əvvəlki dövrlərdə də onlar Azərbaycanın əleyhinə və ermənilərin xeyrinə birgə hərəkət edirdilər. Molla rejimi bu gün də özünün bütün imkanlarından istifadə edərək o ərazilərə, xüsusən Xankəndiyə lazım olan yanacaq, tikinti materialları və digər ehtiyac olan hərbi avadanlıqlar belə göndərirlər”.
 
Bu sözləri Bizim.Media ilə dialoq zamanı politoloq Qabil Hüseynli açıqlayıb
 
Siyasi ekspertin sözlərinə görə, bu barədə sülhməramlılar da bəlli bir təlimat alıblar:
 
"Sülhməramlılar da aldıqları təlimatı yerinə yetirirlər. Məncə, Laçın koridoruna nəzarəti Azərbaycan öz əlinə götürməsə, başqa cür olmayacaq”.
 
Qeyd edək ki, son günlər bəzi yerli sosial media və əcnəbi mətbuat orqanlarında xəbərlər yayılıb ki, İran və Fransaya məxsus avtomobillər Laçın dəhlizi ilə hərəkət edirlər. 5 illik sülhməramlıların məsuliyyət zonasına verilən dəhlizdə isə hərəkət yalnız ruslara və Qarabağa köçürülən ermənilərə aid olunur. Azərbaycan Xarici İşlər Nazirliyinin də bəyan etdiyi kimi, hətta Ermənistan hökumətinin üzvləri də Xankəndiyə getmək istəsə, Bakıdan icazə alınmalıdır.
 
Yəni, bu şərt vətəndaşları Qarabağa köçürülən Ermənistana da aiddirsə, Rusiya istisnası ilə digər dövlətlərin həmin əraziyə daxil olması yolverilməzdir. 
 
Amma deyəsən sülhməramlı missiya bəzi müddəaları unudub. Belə olan halda isə "Rüstəm Muradov komandası”nın məsuliyyət zonası darala bilər. Politoloqlar bu fikirdədir.

Miq.Az


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az