İrəvanda polis etiraz aksiyasını dağıdıb, saxlanılanlar var

Səhər saatlarında Ermənistan polisi İrəvanın mərkəzindəki aksiyanı dağıdıb.  

Vətəninfo.az xəbər verir ki, APA-nın RİA Novosti agentliyinə istinadən verdiyi məlumata görə, polis Baqramyan prospektini aksiya iştirakçılarından təmizləyib.   Qarşıdurma nəticəsində saxlanılanların olduğu bildirilir. Polis məntəqələrinə aparılanların dəqiq sayı barədə məlumat verilmir.   Xatırladaq ki, ötən axşam İrəvanın mərkəzində "Talana yox!” vətəndaş təşəbbüsü elektrik enerjisinin bahalaşmasına etiraz olaraq yürüş keçirib, sonra isə Ermənistan prezidentinin qərargahı yaxınlığındakı prospekti bağlamışdı. 

*    *    *

İrəvanın mərkəzindən, Azadlıq meydanından elektrik enerjisinin bahalaşmasına etiraz olaraq "Talana yox!” vətəndaş təşəbbüsünün yürüşü başlayıb.

APA-nın "Novosti-Armeniya” saytına istinadən verdiyi məlumata əsasən, yürüşdə yüzlərlə insan iştirak edir.

Aksiya iştirakçıları müxtəlif şüarlar səsləndirirlər. Hadisə yerinə polis qüvvələri cəlb edilib.

Qeyd edək ki, "Talana yox!” vətəndaş təşəbbüsünə "Ayağa qalx, Ermənistan” və "Təsis parlamenti" təşkilatı da qoşulub.

Vətəninfo.az