İsveç Parlamenti, Dağlıq Qarabağ qərarını rədd etdi

”Vətəninfo.az”ın verdiyi xəbərə görə, İsveç Yaşıllar Partiyasının Türk əsilli millət vəkili Məhmət Kaplan, Xocalı soyqırımı və Dağlıq Qarabağ problemini məclis gündəliyinə gətirilib. Kaplanın "İsveç hökumətinin Aİ və BMT nəzdində məsələni gündəmə gətirərək, tez bir zamanda işğala son verilməsini" istəyən qanun təklifi məclisin dünənki səsverməsində rədd edilib.

İclas zamanı Məhmət Kaplan ilə İsveç Liberal Partiyasının millət vəkili Fredrik Malm arasında sərt mübahisə yaşanmışdır.

Onu da əlavə edək ki, səsvermə öncəsi səsverməni çoxlu erməni izləməsinə baxmayaraq sadəcə 5 Azərbaycan vətəndaşının iclası izləməsi bir təzaddır.

Məsələ ilə bağlı Ankara Universitetinin əməkdaşı, politoloq Vurğun Həsənlinin fikirlərini öyrəndik: “İnsanı əsəbləşdirən bir situasiyadır. Orada Türkiyəli millət vəkili bizim üçün böyük əhəmiyyətə malik bir qərarı gündəliyə gətirir. Çoxlu erməni məsələnin ciddiliyini başa düşür. Ancaq bizim oradakı təmsilçilərimizin harada olduğu çox maraqlıdır. Cəmiyyət İsveçdəki Azərbaycanlıları ciddi şəkildə tənqid etməlidir. Oradakı Azərbaycanlılar, diaspora təmsilçilərimiz həmin vaxt ondan daha əhəmiyyətli hansı işlərlər məşğul olduqlarının hesabını ictimaiyyətə verməlidirlər. 5 azərbaycanlı nə deməkdir onu izah etməlidirlər. Yoxsa məsələyə belə laqeyd yanaşdığımız üçün cəmiyyət olaraq utanmalıyıq”.

Elnur Eltürk