Türkiyədə koronavirusa qalib gələn Daxili Xəstəliklər Mütəxəssisi Dr. Murat Hakan Tərəkəçi  müalicə müddətində müvəffəqiyyətə nail olmaq üçün zərdəçal(sarıkök) və vitamin qəbuluna diqqət çəkib. 

Moderator.az xəbər verir ki, sözügedən həkim mart ayında koronavirus testinin götürüldüyünü, test nəticəsi çıxmadan ağciyər rentgeni olduğunu və rentgendə koronavirus əlamətləri olduğu üçün testin nəticəsini gözləmədən xəstəxanaya müraciət etdiyini bildirib.

İlk andan etibarən Səhiyyə Nazirliyinin tövsiyə etdiyi müalicə üsullarının tətbiq edildiyini dilə gətirən Tərəkəçi, hər gün yüksək dozada C vitamini qəbul etdiyini də söyləyib.