"Euronews” telekanalının internet portalı xəbər verir ki, bazar ertəsi xüsusi təyinatlı polislər səsli bombalardan və gözyaşardıcı qazdan istifadə etməklə, Avropa Birliyinin himayəsi altında Belqrad və Priştina arasında danışıqlar aparan əsas şəxsi-  Kosovo və Metoxiyanın işləri üzrə (nazir) Serbiya dəftərxanasının başçısıMarko Curiçi həbs etmişlər.  Kosovo serbləri ilə görüş zamanı Curiçi zorla zaldan çıxararaq Priştinaya aparmış və onu əli qandallı  Kosovo albanlarının qışqırıqları altındaəvvəlcə polis məntəqəsinə aparmış, sonra isə Serbiyaya yola salmışlar. 

Kosovo polisinin rəsmi nümayəndəsi Baki Kelani demişdir: "Biz cənab Curiçin  Kosovoda olduğunu və bəzi rayonların sakinləri ilə görüşmək istədiyini eşitdik. Yığıncaq keçirilən yerə yollandıq və burada girişdəcə ciddi müqavimətlə qarşılaşdıq. Buna baxmayaraq, polis Kosovo hökumətinin tapşırığını yerinə yetirdi və Curiçi həbs etdi”.

Belqradın " Kosovo serblərini qorxutmaq” kimi qəbul etdiyi bu hadisə gərginliyin yeni dalğasının baş qaldıracağından xəbər verir. Serbiya Prezidenti Aleksandr Vuçiç məmurun həbsini "kobud təxribat”, polisləri isə "quldur” və "terrorçu” adlandırmışdır. O, bəyan etmişdir ki, silahsız serbləri avtomat qundaqları ilə döymüşlər, bir neçə insan ciddi xəsarət almışdır. "Onlar Marko Curiçi həbs etmişlər. Nə üçün? Yəqin ona görə ki, o, Qərb ölkələrinin əksəriyyətinin  Kosovonun müstəqillini tanımaq qərarı ilə razı deyil”, - deyə Vuçiç bildirmişdir. Serbiya prezidenti xatırlatmışdır ki, Belqrad və Priştina arasındakı razılaşmaya əsasən  Kosovo polis bölmələri serblərin kompakt yaşadığı anklavın şimal rayonlarında fəaliyyət göstərə bilməzlər. 

Serbiya birtərəfli qaydada müstəqilliyini bəyan etmiş muxtar vilayətinsuverenliyini tanımaq istəmir. Lakin Brüsselin təzyiqləri altında Priştina hakimiyyəti ilə münasibətlərinin normallaşdırılmasına çalışır ki, Avropa Birliyinə daxil olmasını sürətləndirsin. 

2013-cü ildə Belqrad və Priştina arasında imzalanmış Brüssel sazişinə əsasən, alban hakimiyyəti bir il müddətində serbiya bələdiyyələri assosaisiyasını formalaşdırmalı və bununla da vilayətin şimalında de-fakto serb muxtariyyəti yaratmalı idi. Amma indiyə kimi bunların heç biri həyata keçirilməmişdir. Yerli siyasi "Serb siyahısı” partiyasıbu prosesin sürətləndirilməsini tələb edir və Belqradı bu məsələyə müdaxilə etməyə çağırır. Belqrad məlum səbəblərdən ehtiyatlanaraq kompromisə çağırışları  Kosovo serbləri arasında kəskin neqativ reaksiya doğurur və Serbiya hökumətinin ünvanına səslənən aqressiv ritorika daha da güclənir.Əslində, Curiçin rəhbərlik etdiyi nüfuzlu nümayəndə heyəti Mitroviçadakı xüsusi dəyirmi masada hökumətin mövqeyini açıqlamalı və serbləri "kompromisaxtarmağa” razılaşdırmalı idi. 

Albanlar əvvəlcə serb məmurlarının Mitroviçə gəlməyinin qəti əleyhinə çıxış edirdilər. Serbiya ilə  Kosovo arasında administrativ sərhədin hüquqi statusu müəyyənləşmədiyindən, hər iki tərəf bunu özünəməxsus formada əsaslandırır. Priştinada belə hesab edirlər ki, müvəqqəti də olsa, bu dövlət sərhəddidir və onlar necə istəsələr elə də hərəkət edə bilərlər. Ona görə də təkcə Curiçin deyil, həm də bir çox başqa məmurların - Serbiya Prezident Administrasiyasının rəhbəri Nikole Seakoviçə, müdafiə naziri Aleksandr Vulinə, mədəniyyət naziri Vladanu Vukosavleviçə  Kosovoya girişiqadağan etmişlər. 

Aİ öz tərəfindən xarici siyasət və təhlükəsizlik siyasəti məsələləri üzrə ali nümayəndəliyin mətbuat katibi Maya Koçinyançiç vasitəsilə hər iki tərəfə xəbərdarlıq etmişdir ki, onlar rəsmi şəxslərin səfərləri haqqında qüvvədə olan sazişə əməl etməlidirlər.

Curiç və Selakoviç dörd saat alban sərhədçiləri ilə çənə-boğaz olandan sonra özlərini dəyirmi masaya çatdıra bilmişlər. Tribunaya qalxan Curiç demişdir: "Mən istərdim buradan,  Kosovo Mitroviçasından bəyan edim ki,  Kosovonun Şimalı və Metoxiya heç vaxt qondarma müstəqil  Kosovonun, həmçinin qondarma müstəqil Böyük Albaniyanın bir hissəsi olmamış və olmayacaqdır. Bu, yalnız bu ərazilərdə münaqişə yaratmağa çalışanların layihələridir. Biz bu gün, hər şeydən əvvəl, ona görə bura gəlmişik ki, Serbiya sizin  Kosovo və Metoxiya haqqında nə demək istədiyinizi eşitsin. İndiyə qədər necə olmuşdursa,bundan sonra da bütün Serbiya sizinlədir”. 

Bu sözlərdən ruhlanan yerli "Serb siyahısı” siyasi partiyasının lideri, Mitroviçanın meri vəzifəsinin icraçısı Qoran Rakiç, toplantı iştirakçılarına müraciət edərək, əgər Priştina üzərinə düşən öhdəlikləri yerinə yetirmək istəmirsə,"Serb bələdiyyələri birliyini müstəqil formalaşdırmağa” çağırmışdır.Hər şey bundan sonra başlamışvə  Kosovo plisinin xüsusi təyinatlıları zala hücum etmişlər. 

Baş vermiş qalmaqaldan sonra qondarma  Kosovonun lideri Haşimi Taçi öz polisini "peşəkarlıq” nümayiş etdirdiyi üçün alqışlayaraq demişdir: "Bu hadisə  Kosovo ilə Serbiya arasındakı kommunikasiyaya, ölkələr arasında dialoqa və vəziyyətin normallaşdırılmasına mane olmamalıdır”

Serbiya Prezidenti Aleksandr Vuçiç isə təcili Milli Təhlükəsizlik Şurasının iclasını çağırmışdır. JurnalistlərPrezidentin məşvərətdən çox qəzəbli çıxdığını müşahidə etmişlər. Vuçiç  Kosovo hakimiyyətinə üz tutaraq demişdir: "Siz nədən serblərə həqarət edirsiniz, niyə onlara əzab verirsiniz?

Juranlistlər, Belqradın alban tərəfinin komromisə hazır olduğuna ümid edə bilərlərmi, sualına Vuçiç belə cavab vermişdir: "Əlbəttə, yox!Onlar həmişə yalan danışmışlar, heç zaman heç bir kompromissə hazır olmamışlar. Onlar həmişə gözləmişlər ki, biz nə vaxt ağır vəziyyətə düşüb  Kosovonun müstəqilliyini tanıyacağıq. Bu ağılsızbir işdir”.

Qərbin mətbuat orqanları yazır ki, hazırda serblər yük maşınları ilə "Zveçani” nəzarət buraxılış məntəqəsinin qarşısındakı yolu kəsmişlər. Bu da alban tərəfini çox pis qıcıqlandırır.Çünki bu, alban polisinin qorumalı olduğu strateji bir yoldur. Bu məqsədlə, ola bilsin Xotinin sorğusu ilə, Kosovodan və Priştinadan Poleyə 200 polis göndərilmişdir. Alban mətbuatı bildirir ki, bütövlükdə vəziyyət Mitroviçada "normaldır”. Ancaq şəhərin serb tərəfində və Lesopaviçdə işləyən albanlar yolların kəsilməsinə istinad edərək, işə çıxmamağı qərara almışlar.

Yerli siyasətçilərin çıxışlarında Belqradın başı üstündən Rusiyaya ünvanlanan "xilas et və qoru” çağırışları daha da artmağa başlamışdır. Yeri gəlmişkən, Aİ bütün günahları Belqradın üstünə yıxsa da, Rusiya XİN-i Curiçin həbsinə çox kəskin reaksiya vermişdir. Bu isə kəskin mövqe nümayiş etdirməyə borclu olan Serbiya hakimiyyətini narahat etməyə bilməz. Bir sözlə, vəziyyət hər dəqiqə nəzarətdən çıxa bilər.