Mahaçqalada polisi partlatmaq istədilər

Bu gün şəhərdə bir birinin ardınca iki partlayış törədilib

Mahaçqalada mağazada partlayış baş verib. ANS PRESS-in Rusiya mətbuatına istinadla verdiyi məlumata görə, hadisə "min bir xırdavat" mağazası yaxınlığında qeydə alnıb. Hələlik ölən və ya yaralanan barədə məlumat verilmir.

Bundan əlavə bu gün süd zavodu yaxınlığında, polislərə qarşı terror törədilib. Xoşbəxtlikdən hadisə nəticəsində xəsarət alan olmayıb. Daxili İşlər Nazilriyinin məlumatına görə, hadisə polis ekipajı yoldan keçən zaman baş verib. Əldə düzəldilmə partlayıcı qurğu işə salınıb. Lakin partlayış karvan keçəndən sonra baş verib.

Bu son günlər baş verən ilk anoloji hadisə deyil. Belə ki, bir necə gün öncə şərab mağazasında da partlayış törədilmişdi. Hadisə zamanı bir nəfər yaralanmış, biri isə ölmüşdü. Hüququ mühafizə orqanlarının məlumatına görə, mağaza orada spirtli içki satıldığı üçün partladılmışdı.

ANS PRESS