Maradona: "Messi başqa planetin futbolçusudur"

Əfsanəvi argentinalı futbolçu Dieqo Maradona həmyerlisi Lionel Messi haqda danışıb. “Vətəninfo” Rusiya KİV-nə istinadən xəbər verir ki, futbol kralı Pelenin «Santos»un hücumçusu Neymarı Messidən güclü futbolçu adlandırmasına münasibət bildirən Maradona deyib: «Bu, sadəcə, axmaqlıqdır. Neymar dünyanın ən yaxşı futbolçusu ola bilər, amma yalnız Messidən söhbət getmirsə. Neymar dünyanın ən yaxşı futbolçusudursa, onda Messi başqa planetin futbolçusudur».