Marixuana avtomat vasitəsilə satılır

Yeni Zelandiyada marixuana satışı üçün avtomat quraşdırılıb. Belə bir təşəbbüslə National Organisation for Reform of Marijuana Laws (NORML) təşkilatının nümayəndələri çıxış ediblər. Marixuana satışı üzrə avtomat NORML-ın nəzarətində olan klubda yerləşdirilib. Aparatda marixuananı 1 qramlıq kiçik qablara yerləşdiriblər. Onların hər biri 20 Yeni Zelandiya dollarına satılır. NORML-ın nümayəndəsinin sözlərinə görə, qurgu böyük maraga səbəb olub. “The Daily Telegraph”-ın məlumatına görə, marixuanadan istifadə Yeni Zelandiyada qanunla qadagandır və narkotikdən istifadə edənlərə qarşı böyük cərimə və həbs tətbiq olunur. Marixuananın avtomat vasitəsilə satışı onun alveri kimi dəyərləndirilə bilməz. Çünki proses narkotik alverçisinin iştirakı olmadan həyata keçirilir. Buna baxmayaraq mütəmadi polis reydləri çərçivəsində qanun keşikçiləri aparatın qoyuldugu kluba baş çəkirlər.
Xatırladaq ki, Yeni Zelandiya dünyada marixuana istifadəçilərinin sayına görə öndə gedən ölkələrdən biridir. Ölkənin orta yaşlı əhalisinin 13 faizi bu narkotik vasitədən mütəmadi istifadə edir (“Veteninfo.az”).