Mərkəzi bank bəzi banklara güzəşt edib

Kapitalını 50 mln. manata çatdıra bilməyən banklara gələn ilin sonuna kimi vaxt verilib”

“5 faizi əhatə edən banklar 2014-cü ilin sonuna kimi öz kapitallaşmasını 50 mln. manata çatdırmalı olacaq. Bu qərarın əsas səbəbi ondan ibarətdir ki, Azərbaycanda bankların kapitallaşmasının artırılması məqsədinə nail olunsun. AMB-nin sədri bildirib ki, dövlət qalan kiçik bankları inzibati yolla bazardan çıxarmaq, bazarda bunun nəticəsində baş verə biləcək qeyri-müəyyənliyə yol vermək niyyətində deyil.

Elman Rüstəmov dünən Azərbaycan Mərkəzi Bankı İdarə Heyətinin iclası keçirildiyini və ölkədə fəaliyyət göstərən kommersiya banklarının minimum kapital həcmini 2013-cü ilin sonuna kimi 50 mln. manata çatdırılması barədə qərar qəbul etdiklərini deyib.

E.Rüstəmov əlavə edib ki, hazırda ölkənin bank sektorunun aktivlərinin 95%-ni əhatə edən banklar ya öz kapitallaşmasını artıq 50 mln. manata çatdırıb və yaxud buna yaxın zamanda nail olacaq.

Vətəninfo.az