Məşhur futbolçu Maşallah Əhmədovun adı pul qalmaqalında

İmişli rayonu mərkəzi xəstəxanasına yeni baş həkimin təyin olunması ilə bağlı söz-söhbət başlayıb.

Vətəninfo.az-a İmişli rayonundan daxil olan məlumata görə, xəstəxanaya Asif Məmmədov adlı şəxs baş həkim təyin olunmalı idi. Ancaq bu baş verməyib və digər bir şəxs həmin xəstəxanaya baş həkim vəzifəsinə təyin olunub. 

Məlumata görə, A.Məmmədov baş həkim olmaq üçün veteran futbolçu Maşallah Əhmədovun vasitəsilə baş təyin edilməli imiş. Lakin bu mümkün olmayıb. 

Verilən məlumatda iddia edilir ki, Asif Məmmədov M.Əhmədova baş həkim olmaq üçün 25 min manat pul verib. 

Məlumatın nə qədər doğru olub-olmadığını indidən deyə bilməsək də, ancaq bu məlumatla bağlı veteran futbolçunun da mövqeyini dərc etməyə hazırıq. 

Həsən Həsənov

Vətəninfo.az