Virtualaz.org xəbər verir ki, medialab.am saytında dərc edilmiş karikaturada Müdafiə Nazirliyinin ötn il gül və gül kompozisiyalarının alınması üçün dövlət büdcəsindən 7 milyon dram (təqribən 14 min dollar) xərcləməsi lağa qoyulur. Karikaturada gül buketinin önündə dayanmış müdafiə naziri, ondan arxada ayağının birini itirmiş əsgər və əsgərə corab tayı göstərən komandir təsvir olunub. Karikaturada Müdafiə Nazirliyinin gül dəstələri üçün 7 milyon dram xərclədiyi qeyd olunur. Və komandir əsgərə deyir: "Sənin bir ayağın var, deməli corabın bir tayı da bəsindir”.

Qriqoryanın ünvanına çoxsaylı başqa təhdidlər də yazılıb. Bu təhdidlər hansısa feyk-profillərdən deyil, real istifadəçilərdən gəlib. Onlardan bəziləri hətta Müdafiə Nazirliyinin zabitləri olduqlarını açıq yazıblar. "Mənə şəxsi məktublar yazmağa başlayıblar, hətta saat şəkli göndəriblər ki, baxın, vaxt gedir”-Qriqoryan epress.am saytına bildirib.

"Təhdidlər çoxdur. Bu karikaturanın müəlliflərini öldürməyə, zorlamağa, doğramağa çağrırlar. Real təhdidlər də olub. Nəticədə bizim xaricdə yaşayan karikaturaçılarımızdan biri saytla əməkdaşlığı kəsməli olub. Çünki onun Ermənistanda yaşayan anasına naməlum adamlar baş çəkiblər, qonşulardan onun barəsində soruşublar. Nəticədə əməkdaşımız valideyinləri üçün qorxaraq əməkdaşlığı dayandırmalı olub”-Qriqoryan deyib.