Nazim Məmmədov: ”Avroviziya müsabiqəsinə iqtisadi səmərəlilik çərçivəsindən baxmaq doğru olmazdı”

Bu sözləri “Veteninfo.az”a sabiq millət vəkili, tanınmış iqtisadçı ekspert Nazim Məmmədov Avroviziya yarışına çəkilən xərclərlə bağlı fikrini şərh edərkən bildirdi: “Ölkənin 100 mln tamaşaçıya TV-lər vasitəsi ilə və 10 min seyriciyə əyani olaraq tanıdılmasının səmərəliliyi yəqin ki, daha çox olacaq. Birbaşa Avroviziya ilə bağlı olmayan infrastruktur layihələri var ki, bayraq Meydanının genişləndirilməsi, Bakı Ələt yolunun 2-ci km dəki və onun ətrafındakı özəl və dövlət obyektlərin köçürülməsi, Bulvarın genişdirilməsi, yeni sarayın tikilməsi hörmətli jurnalistlərimiz və ekspertlərimiz tərəfindən Avroviziya yarışmasının ayağına "yazılır". Əgər yarışma Azərbaycanda keçiriləsi olmasaydı belə hamı bilirdi ki, bu layihələr baş tutacaq, sadəcə Avropa Yayım Birliyinə təqdim olunan üç yerdən birinin məhz Büllur Sarayın seçilməsi bu prosesləri sürətləndirdi. Ona görə də ictimai fikirdə Avroviziyaya çəkilən xərcləri səmərəsiz layihə kimi qiymətləndirildi”.

Elnur Eltürk