Nazir İmişlidə vətəndaşları qəbul edib

Vətəninfo.az - Azərbaycan Respublikasının Prezidenti cənab İlham Əliyevin tapşırığına əsasən, mərkəzi icra hakimiyyəti orqanlarının rəhbərləri bölgələrdə vətəndaşların qəbulunu davam etdirir, onların müxtəlif məsələlərlə bağlı problemlərinin həllinə kömək göstərirlər. İyunun 19-da kənd təsərrüfatı naziri Heydər Əsədov İmişlidə İmişli, Xocavənd, Fizuli və Beyləqan rayonlarından olan vətəndaşları qəbul edib. Nazirliyin struktur rəhbərlərinin iştirakı ilə keçirilən qəbul zamanı vətəndaşlar əsasən kreditin alınması, istehsal olunan yunun satışı, cins mal-qaranın alınması və digər məsələlərlə bağlı müraciətlər ediblər. Vətəndaşların narazılığına səbəb olan halların aradan qaldırılması, müraciətlərin həlli üçün yerindəcə tapşırıqlar verilib. Bir sıra məsələlər isə obyektiv həll edilməsi məqsədilə nəzarətə götürülüb. Nazirliyin səlahiyyətlərinə aid olmayan müraciətlər müvafiq qurumlara çatdırılmaq üçün qeydiyyata alınıb. Qəbulda 30 nəfərədək vətəndaş iştirak edib.