“Neftçi” rəhbərliyi istefa verdi

Azərbaycan Premyer Liqasının onuncu turunda “Rəvan”a qarşı keçirilən oyundan sonra baş məşqçi Böyükağa Hacıyev də daxil olmaqla “Neftçi”nin məşqçilər korpusu, o cümlədən başda vitse-prezident Tahir Süleymanov olmaqla klub rəhbərliyi istefa verib.

Fanat.az xəbər verir ki, buna komandanın ölkə çempionatındakı ardıcıl məğlubiyyətləri səbəb olub. Bu gün “Neftçi” “Rəvan”a da 0:2 hesabı ilə uduzub. On turdan sonra 12 xalı olan paytaxt təmsilçisi yeddinci yeri tutur.

Əldə etdiyimiz məlumata görə, baş məşqçi Böyükağa Hacıyevin “Rəvan”a məğlubiyyətdən sonra mətbuat konfransında qatılmamasının da əsas səbəbi məhz istefa verməsidir.

Qeyd edək ki, oyundan sonra keçirilən mətbuat konfransında Tərlan Əhmədov Hacıyevin səhhəti ilə əlaqədar olaraq konfransa qatılmayacağını bildirib.