Netanyahunun Rusiyaya ani səfərinin səbəbi məlum oldu

İsrail baş naziri Benyamin Netanyahu Rusiyaya anı səfər edib.
Vətəninfo.az Avropa.info-ya istinadla xəbər verir ki, Netanyahunun məqsədi Rusiya və İsrail əsgərlərinin Yaxın Şərqdə toqquşmasının qarşısını almaqdır.
Moskva cavabında bildirib ki, Dəməşqə hərbi yardım göndərməkdə davam edəcək. Ehtiyac olarsa, hərbi kontingent də göndəriləcək. İsrail müasir rus texnikasının Əsədin əlində olmasından narahatdır. Netanyahu qorxur ki, rus silahı Əsədin müttəfiqi "Hizbullah”ın əlinə düşə bilər. Bundan başqa İsrail əsgərləri ilə rus hərbçilərin atışması da istisna edilməyib.
Netnayahu Putinə müraciət edərək belə deyib:
"Mən bizim ölkənin şimal sərhədlərində gündən-günə mürəkkəbləşən təhlükəsizlik məsələsinə görə burdayam. Bilirsiz ki, İran və Suriya "Hizbullah”ı silahla təmin edir. Son illər vətəndaşlarımıza qarşı minlərlə raket atılıb”
Putin cavabında deyib ki, Rusiyanın bütün hərəkətlərinə görə məsuliyyət daşıyır. Putin keçmiş SSRİ-dən çıxmış xeyli rus və yəhudinin İsraildə yaşadığını unutmadığını da deyib.