Nizami Bəhmənovun oğlununun arvadını bıçaqlanması ilə bağlı görüntülər (VİDEO)

Nizami Bəhmənovun oğlununun arvadını bıçaqlanması ilə bağlı görüntülər (VİDEO)

Şuşa Şəhər İcra Hakimiyyətinin sabiq başçısı Nizami Bəhmənovun oğlu Ceyhun Bəhmənovun keçmiş həyat yoldaşını bıçaqlama hadisəsi ilə bağlı videogörüntüləri yayılıb.

Miq.Az "Report”a istinadən xəbər verir ki, videogörüntü sosial şəbəkələrdə paylaşılıb.

Belə ki, hadisə fevralın 3-də, paytaxtın Yasamal rayonu ərazisində qeydə alınıb. 1981-ci il təvəllüdlü C.Bəhmənov keçmiş həyat yoldaşı, 1982-ci il təvəllüdlü Dilarə Faiq qızı Bəhmənovanı bıçaqlayıb.

Daha sonra o, saxlanılıb, barəsində Cinayət Məcəlləsinin 126.1-ci (qəsdən sağlamlığa ağır zərər vurma) və 126.2.3-cü (xüsusi amansızlıqla, o cümlədən zərərçəkmiş şəxsə ağır iztirablar verməklə və ya sifarişlə, habelə təqsirkar üçün aşkar surətdə köməksiz vəziyyətdə olan şəxsə qarşı törədildikdə) maddələri ilə ittiham irəli sürülüb.

Məlumata görə, C.Bəhmənov günorta saatlarında Hüseyn Cavid parkının yaxınlığında 15 yaşlı qızı ilə gəzən D.Bəhmənovaya bıçaqla hücum edib. Onun bədəninə, üzünə və boğazına ümumilikdə 20-dək bıçaq zərbəsi endirib. Yaralının vəziyyəti ağırdır.

Qeyd edək ki, C.Bəhmənovun atası N.Bəhmənov 1992-2008-ci illərdə Şuşa Şəhər İcra Hakimiyyətinin başçısı vəzifəsində çalışıb. O, 2008-ci ildə vəfat edib.







İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az