Paraqvay parlamenti Xocalı soyqırımını qınayan və Azərbaycan ərazilərinin işğalının dayandırılması üçün beynəlxalq ictimaiyyəti Ermənistana təzyiq göstərməyə çağıran qətnamə qəbul edib. Bunu Trend-ə diplomatik mənbədən bildiriblər.

Qətnamə deputatlar Esmerita Sançez de la Silva, Amado Florentinin dəstəyilə qəbul edilib. Parlamentin iclasının işində beynəlxalq müşavir Nikolas Sezar Benitas da iştirak edib.

Mənbə qeyd edib ki, bu qətnamə Azərbaycan və Paraqvay arasında əlaqələrin möhkəmləndirilməsi üzrə ilkin addım oldu.