Qadın alverinin qarşısını necə almalı...

"Regionlarda yaşayan qadınların insan alveri haqqında anlayışı yetərli deyil. Bəziləri insan alveri ilə sosial problemləri ayırmaqda çətinlik çəkir”.

 

Bu barədə  "Təmiz Dünya” Qadınlara Yardım İctimai Birliyinin rəhbəri Mehriban Zeynalova deyib.

Hüquq müdafiəçisinin sözlərinə görə, İsmayıllıda qadınlarla görüş keçirilib: "İsmayıllıda qadınların iştirakı ilə keçirilən tədbirdə "İŞİD-ə aparılan qadınlar insan alverinin qurbanı hesab oluna bilərmi” kimi mövzular müzakirə olundu. İnsan alveri faktında niyyət və gəlir gətirmə əsas meyardır. İŞİD-in qurbanları hələ də beynəlxalq səviyyədə bu meyarlara uyğunlaşdırılmayıb”.

M.Zeynalova qeyd etdi ki, "İnsan alveri ilə mübarizədə potensialın artırılması” layihəsi çərçivəsində keçirilən tədbirlərdə əsas istiqamət maarifləndirməyə yönəldilir. Regiondakı qadınlara insan alveri probleminin tarixi kökləri, Azərbaycanda insan alveri ilə mübarizənin hüquqi əsasları, insan alveri təhlükəsindən qorunma yolları barədə məlumat verililir.

Növbəti tədbir İsmayıllı Tarix Diyarşünaslıq Muzeyində keçirilib. Bundan sonra acıq havada  "Səs” qrupunun iştirakı ilə məlumatlandırma  və konsert proqramı olub. İsmayıllı Rayon İcra Hakimiyyətinin dəstəyi və təşkilatçılığı ilə baş tutan tədbirdə 200-ə yaxın insan iştirak edib.

virtualaz.org