Qafqaz Müsəlmanları İdarəsi internet televiziyası açdı

Qafqaz Müsəlmanları İdarəsi internet televiziyası açdı

Qafqaz Müsəlmanları İdarəsinin (QMİ) yeni layihəsi olan "114 TV” internet televiziyası Ramazan ayının 1-dən (aprelin 14-dən) etibarən fəaliyyətə başlayıb.

Bu barədə QMİ-dən məlumat verilib.

Bildirilib ki, bu münasibətlə QMİ sədri, şeyxülislam Hacı Allahşükür Paşazadə internet televiziyaya xeyir-dua verib.

QMİ sədri deyib ki, kanalın adının 114 olması Allah-təalanın Ramazan ayında nazil etdiyi Qurani-şərifin surələrinin sayı ilə bağlıdır: "İnanıram ki, bu televiziyada bizim din xadimlərimiz, qazilərimiz, imamlarımız və dindarlarımız yaxından iştirak edəcək və insanlara, dindarlara dini tam və düzgün şəkildə çatdırmağa köməklik göstərəcəklər. Burada işləyənlərin və zəhmət çəkənlərin hamısına öz təşəkkürümü bildirirəm. Eyni zamanda televiziyada çıxış edənlərə, iştirakçılara və moizə edənlərə də öz minnətdarlığımı bildirirəm”.

Internet televiziyanın materialları "facebook” və "youtube”da yayımlanacaq.


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az