”Qarabağ”dan pula görə getməmişəm”

“İlk təklif "Xəzər Lənkəran"dan gəldi. Sərfəli təklif olduğu üçün razılaşdım. "Xəzər Lənkəran"da ilk dəfə titullar qazanmışam. Buna görə də bu komanda da mənə doğma gəlir. Rəhbərliyi də tanıyıram. Oyunçuların əksəriyyəti ilə yaxşı münasibətim var. Bütün bu amillər "Xəzər Lənkəran"ı seçməyimdə rol oynadı”.

Vətəninfo.az Axar.az-a istinadla  xəbər verir ki, “Xəzər Lənkəran”ın yeni transferi Vüqar Nadirov qol.az-a geniş müsahibəsindən keçidini belə dəyərləndirib. Sabiq “Qarabağ” hücumçusu hesab edir ki, Ağdam klubunun onun üzərində əməyi böyükdür:
“Yəqin ki, mənim də “Qarabağ”a az köməyim dəyməyib. Bunu mütəxəssislər və azarkeşlər də deyə bilər. Qurban Qurbanovun da əməyini qeyd etməliyəm.
Yəqin halallıq verərlər. Mən onlara halallıq verirəm. Çoxları yazır ki, “Qarabağ”dan pula görə getmişəm. Ancaq belə deyil. Sırf oynamaq istədiyim üçün doğma komandamı tərk etdim. Düzdür, bəzən əsas heyətdə də oynayırdım. Ancaq mən meydanda daha çox olmaq istəyirəm”.
V.Nadirov “Xəzər Lənkəran”ı əvvəlki günlərinə qaytarmağa çalışacaqlarını söyləyib.