Qəbələdə restoran sahibinin qatili axtarılır

Qəbələ şəhər sakininin evinə silahlı basqın etmiş naməlum şəxslər onu qətlə yetirərək hadisə yerini tərk ediblər.

Daxili İşlər Nazirliyinin (DİN) mətbuat xidmətindən Vətəninfo.az-a verilən məlumata görə, noyabrın 24-də Qəbələ şəhərində şəhər sakini Vahid Vahabovun yaşadığı evə girmiş 4 maskalı şəxs ondan pul verməsini tələb edib. Cinayətkarlar istədiklərinə nail olmadıqda ov tüfəngindən atəş açaraq onu qətlə yetirib və hadisə yerini tərk ediblər.

Hadisə ilə əlaqədar Qəbələ RPŞ tərəfindən əməliyyat-axtarış tədbirləri aparılır.

Qeyd edək ki, qətlə yetirilən şəxsin Qəbələdə “Soyuq bulaq” restoranının sahibi olduğu bildirilir.