"Azərinşaatservis" MMC geri çəkildi, Rövnəq Abdullayev çətin vəziyyətdə qaldı

Bildiyiniz kimi, AFFA prezidenti Rövnəq Abdullayevin təşəbbüsü ilə "Kəpəz"ə yeni sponsor tapılmışdı və ictimaiyyətə də açıqlandığı kimi, kluba bundan sonra "Azərinşaatservis" MMC sponsorluq edəcəkdi.

Vətəninfo.az xəbər verir ki,Sportarena.az rekord.az –a istinadla xəbər verir ki, amma öncə sponsorluğu boynuna götürən şirkət indi yaxasını kənara çəkir.

Konkret olaraq, bu günə qədər bu şirkət komandanın büdcəsinə 1 qəpik də olsun pul ödəməyib. Hər şeyin bu həddə çatması Rövnəq Abdullayevi də çətin vəziyyətdə qoyub. Belə ki, öz tapdığı sponsorun ona arxa çevirməsi fonunda kluba maliyyəni Abdullayev özü ayırmağa məcbur olub. Düzdür, Gəncə şəhər rəhbərliyi də müəyyən köməklik edir. Ancaq yükün çox hissəsi, xüsusən də futbolçuların maaşı AFFA-nın boynunda qalıb.

Qeyd edək ki, razılaşmaya görə, Gəncə stadionunu da təmir etməli olan "Azərinşaatservis" MMC -in ayağı bu günə qədər stadionun həndəvərinə də dəyməyib.

Vətəninfo.az