"Karyeramı “Mançester Siti”də davam etdirəcəm"

“Mançester Siti”nin yarımmüdafiəçisi Yaya Turenin karyerasını harada davam etdirəcəyinə aydınlıq gəlib.  Fil Dişi Sahili millisinin üzvü komandasını dəyişmək fikrindən vaz keçib.
 32 yaşlı oyunçu komandada qalma səbəbini belə izah edib: “Düzdü, mən gənc yaşlarda deyiləm. Amma elə futbolçu var 25 yaşında, eləsi də var 35 yaşında karyerasının ən parlaq dövrünü keçirir. Mən karyeramı “Mançester Siti”də davam etdirəcəm. Bunu ona görə etmirəm ki, başqa təkliflərim yoxdu. Sadəcə, bu klubu sevirəm və güvənirəm. İnanıram ki, bir neçə transferlə yenidən ən güclü komanda olacağıq”.
Qeyd edək ki, Yaya Ture “Mançester Siti”yə 2010-cu ildə “Barselona”dan keçib.

APA