"O, son 4 ilin ən yaxşı baş məşqçisidir"

Almaniyanın “Bavariya” klubunun müdafiəçisi Filip Lam komandaya yeni baş məşqçi təyin olunmuş Pep Qvardiola haqda danışıb.

Vətəninfo.az saytı xəbər verir ki, klubun rəsmi saytına açıqlama verən futbolçu Qvardiolanı son 4 ilin ən yaxşı baş məşqçisi adlandırıb:

“Qvardiola son 4 ilin ən yaxşı baş məşqçisi idi. Onun “Bavariya”ya gəlməsi komandamızda müsbət ab-hava yaradıb. Bu transfer böyük bir müvəffəqiyyətdir.

Yupp Haynkesə hörmətsizlik etmək istəmirəm, uğurlarımızda onun payı böyükdür. Ancaq Qvardiola kimi bir baş məşqçi ilə anlaşmaq böyük uğurdur. Komandamızın gücünün və imicinin nə qədər yaxşı vəziyyətdə olması bu imza ilə bir daha sübut olundu".

Rəqsanə Yusifzadə