"Rusiya qoşunları Qafqazı mütləq tərk edəcək"

Sabiq prezident bu barədə “Rusiya və Şimali Qafqaz Olimpiadadan sonra” mövzusunda keçirilən konfransda çıxışı zamanı deyib

“Rusiya qoşunları gələcəkdə Qafqazı mütləq tərk etməyə məcbur olacaq”. Bunu Gürcüstanın sabiq prezidenti Mixail Saakaşvili bildirib.

ANS PRESS-in “Georgia Online” xəbər agentliyinə istinadən verdiyi məlumata görə sabiq prezident bu barədə ABŞ-ın Ceymstaun Fondunda “Rusiya və Şimali Qafqaz Olimpiadadan sonra” mövzusunda keçirilən konfransda çıxışı zamanı deyib.

“Bizim mövqeyimiz konkret bilinir. Rusiya qoşunları tamamilə Qafqazı tərk etməlidir. Bu gec, ya da tez baş verməlidir. Rusiya istər Qafqazın cənub, istərsə də şimal torpaqlarından qoşunları geri çəkməlidir”, - deyə Mixail Saakaşvili bildirib