Rafiq Hümmət:"Gürcüstanda soydaşlarımıza hücum edənlər..."

Gürcüstanda soydaşlarımıza qarşı hücumlar yaranan ikihakimiyyətliliklə bağlıdır.

Bu sözləri Veteninfo.az-a Azərbaycan Yazıçılar Birliyinin Gürcüstan bölməsinin sədri, yazar Rafiq Hümmət son günlər Gürcüstanda soydaşlarımıza qarşı baş verən hücumlarla bağlı sualımızı şərh edərkən bildirdi:

“Hesab edirəm ki, bu hadisələr hamısı müvəqqəti haldır. Kriminal ünsürlər yerlərdə yaranmış müvəqqəti inzibati boşluqdan istifadə edərək, bu hadisələri törədirlər. Hamısı da layiqli cəzalarını alacaqlar. 

İki xalqın ortaq bağları hərdənbir nazilsə də, heç vaxt üzülməyəcək” - deyən R.Hümmət hücumların ənənəvi olmayacağını söylədi:

”Və hücumların ənənəvi xarakter alacağını düşünmək belə çətindir”.