Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Məlumata görə, Ukrayna ordusu Nikolayevka yaxınlığında Rusiya qoşunlarının hücumunu dayandırıb. Geri çəkilən ruslar ağır itki veriblər, amma hücumu davam etdirmək üçün qüvvələrini yenidən qruplaşdırdıqları bildirilib.

Bundan başqa, Rusiya qoşunları Zolote-3, Novoluqansk, Berestov yaşayış məntəqələrinə hücum əməliyyatları keçirib. Amma itki verərək əvvəllər tutduğu mövqelərə geri çəkilib.

Rusiya ordusunun Vrubivka yaxınlığında hücum əməliyyatı apardığı vurğulanıb.

Ukrayna müdafiə qüvvələri Novopavlovsk istiqamətində Şevçenko kəndi yaxınlığında rusların hücumunu dəf ediblər. İtki verən rus qoşunları geri çəkilməyə məcbur olublar.