Rusiyadan azərbaycanlıların deportasiyası başlandı.

Onların sözlərinə görə, Rusiya hüquq-mühafizə orqanları deportasiya etdikkləri soydaşlarımızla kobud rəftar etməklə yanaşı onları təhqir də edir.

Rusiyadan deportasiya olunan Ədalət adlı soydaşımızın dediyinə görə, onunla birgə daha 5 nəfər azərbaycanlı Rusiyadan deportasiya olunub: "Oğlumla Permə gedirdim, Moskvada məni saxladılar. Bizi aparıb "KPZ”-yə saldılar. 14 saat orda saxladıqdan sonra "konvoy” maşınla bizi gətirib təyyarəyə mindirdilər. Mənimlə birgə Biləsuvar rayonundan 3 nəfər və ata-bala geri göndərildi. Azərbaycanlılarla vəhşi kimi rəftar edirlər. Xüsusi ilə Miqrasiya Xidmətinin əməkdaşları heç bir sərhəd tanımırlar. Etiraz etdikdə mənə sevin ki, səni 3 illik deportasiya etmirik dedilər. Mənə necə STOP qoya bilərlər ki, bir il ərzində 3 dəfə Rusiyaya gedib gəlmişəm. Bütün vergiləri ödəyirəm. Etirazlarıma baxmayaraq, mənə 1 il 6 ay müddətinə Rusiyaya daxil olmağıma "zapret” qoydular. Deportasiya səbəbini soruşmaq istəyənləri müddətin 3-5 ilə qədər qaldıracaqları ilə hədələyirlər”.

Deportasiya olunmasının arxasında siyasi səbəb səbəb durduğunu deyən soydaşımızın fikrincə yaxın günlərdə Rusiyadan azərbaycanlıların kütləvi şəkildə deportasiya olunmağa başlanacağı gözlənilir: "Əvvəllər belə münasibət göstərmirdilər. İndi vəhşi kimi davranırlar…”

Qeyd edək ki, son zamanlar rəsmi Moskva ilə Bakı arasındakı münasibətlərdə gərginlik müşahidə olunur. Rəsmi səviyyədə etiraf olunmasa da Kremlin Azərbaycana təzyiqlərə başladığı açıq şəkildə müşahidə olunur.

Rusiyada fəaliyyət göstərən Azərbaycan diaspor təşkilatı – Ümumrusiya Azərbaycanlıları Konqresinin ləğv edilməsi ikitərəfli münasibətlərdə gərginlik yaradır, bu baxımdan da bu, Şimal qonşumuzdan olan təzyiqlərin davamıdır. Gözləmək olar ki, əgər Rusiyanın təzyiqləri altında olan Azərbaycan Moskvadan irəli sürülən şərtləri qəbul etməsə, bu zaman "Qarabağ kartı”nı ortaya ataraq, Ermənistan vasitəsilə Azərbaycanı təxribata çəkməyin yollarını axtara bilər.

Ən maraqlısı Ədalət adlı vətəndaşımızın bildirdiyinə görə, bir qirgiz vətəndaşını da iki gün bundan əvvəl deportasiya ediblər. Həm də 47 illik. Aşagadakı şəkildə gördüyünüz fotoda deportasiya olunması ilə bağlı sənədi verilən qırğız vətəndaşının həyat yoldaşı milliyətçə rusudr.