Rusiya Ermənistana satdığı qazın qiymətini qaldırır

Rusiya tərəfi Ermənistana satdığı qazın qiymətini artırmaq niyyətindədir.

AzVision.az-ın məlumatına görə, bu barədə Ermənistanın “Johovurd” qəzeti öz mənbələrinə istinadən xəbər verir.

Nəşr vurğulayır ki, martın 30-u Rusiya və Ermənistan baş nazirləri Dmitrioy Medvedyev və Ovik Abramyan arasında telefon danışığı baş tutub: “Şayiələrə əsasən, tərəflər əsasən qazın qiymətinin mümkün şəkildə artırılması məsələsini müzakirə edib. Biz Rusiya tərəfinin qiyməti nə qədər arta cağını aydınlaşdıra bilmədik”.

Xatırladaq ki, hazırda Rusiya Ermənistana qazın hər kubmetrini 200 dollara satır.