Saakaşvili separatçı ermənilərlə belə dalaşdı - VİDEO

Gürcüstan prezidenti Mixail Saakaşvilinin ermənilərin yaşadığı Cavexetiya rayonuna səfəri zamanı skandal yaşanıb.

Erməni kilsəsini ziyarət etmək istəyən prezidentin qarşısını Çaklayan adlı erməni kəsib və ona ölkədə ermənilərin sıxışdırılmasından şikayət edib. Erməni dili, mədəniyyəti və s. məsələrdə ayrı-seçkilik edildiyini, həbslərin olduğunu deyən Çaklayan prezidenti ittiham etməkdən belə çəkinməyib: "Erməni ədəbiyyatı məktəblərdə tədris olunmur. Ovanes Tumanyanı, Vahan Teryanı öyrənmək kimə mane olur. Onlar Axalkalakidəndilər. Biz onlarla birlikdə fəxr etməliyik. Siz isə onların məktəblərdə tədrisinə mane olursuz. Niyə? Buna görə, məhkəməyə müraciət edəcəyik.

Saakaşvilinin ona cavabı sərt olur. Saakaşvili bəzi ermənilərin separatçı olduğunu və ona görə də həbs edilidiyini bildirir: "Altı maddə ilə həbsxanada yatmısan. Sənmi məni mühakimə edəcəksən? Səni həbsxanadan buraxanmı belə danışmağı tapşırıb? Sən Rusiya Baş Kəşfiyyat İdarəsinə işləmiş separatçısan və məni ittiham edə bilməsən".

Sərt cavabla üzləşən ermənilər isə dağılışaraq Saakaşvilinin əleyhinə şüarlar səsləndiriblər. Saakaşvili isə "belə separatçılar burada çox idi. İndisə onlar 5 nəfərdir. Ona görə ki, artıq Rusiya Baş Kəşfiyyat İdarəsi buradan çıxarılıb" deyib (Teleqraf.com).