Sərbəst güləş üzrə 4 idmançımız yarışacaq

İyunun 18-də Birinci Avropa Oyunlarında sərbəst güləş üzrə kişilərin yarışına yekun vurulacaq.

Vətəninfo.az Modern.az-a istinadla xəbər verir ki, milli komandamızın 4 idmançısı bu gün meydana çıxacaq. 125 kq çəkidə Cəmaləddin Məhəmmədov litvalı Rudaviçius Conasla mübarizə aparıb. Cәmalәddin Məhəmmədov litvalı idmançını 10-0 təmiz qələbə ilə udub 1/8 finala vəsiqə qazanıb. Onun 1/8 finaldakı rəqibi Türkiyənin adlı-sanlı güləşçisi Taha Akgül olacaq. 61 kq çəki dərəcəsində mübarizə aparan Hacı Əliyev erməni Franqulyan Valodya ilə üz-üzə gələcək. 70 kq çəki dərəcəsində Ruslan Dibirqac xalçaya çıxacaq. Onun rəqibi hələlik bəlli deyil. 86 kq çəkidə Nurmaqomed Hacıyev bolqarıstanlı Georgi Sredkov ilə üz-üzə gələcək.