S.Cəlaloğlunun iddiasına görə, seçki marafonunda irəli sürülmüş təkliflərini bu qədər vaxt keçəndən sonra qabardıb xüsusi ajiotaj yaratmaları da bununla bağlıdır və bununla əslində Prezidentin özünə qarşı təzyiq mexanizmini işə saliblar. 

ADP sədrinin fikrincə, prosesdə Rusiyanın parlamentdəki casus çəbəkəsi iştirak edir. Bu şəbəkədən olan Ayaz Mütəllibov, Ağacan Əbiyev, Araz Əlizadə, Tahir Kərimli, Musa Musayev və hətta Etibar Məmmədov Azərbaycan-Türkiyə birliyinə qarşı çıxmaqla, dövlət başcısının bu sahədəki siyasətinə qarşı açıq-aşkar düşmən mövqeyi sərgiləyiblər. "Bu şəbəkə Azərbaycanın butun siyasi institutlarında, xüsusilə parlamentdə geniş təmsil olunur və Azərbaycanın dövlət müstəqilliyinə qarşı real təhdiddir. Ən maraqlısı isə budur ki, sözü gedən şəbəkəyə Prezident aparatındakı bir sıra yüksək ranqlı məmurlar rəhbərlik edir”-Sərdar Cəlaloğlu bildirib.