Suriya erməniləri kütləvi şəkildə Qubadlı rayonunda məskunlaşır

Vətəninfo.az  Lacin.info-ya istinadən xəbər verir ki Qubadlı rayonunun Xanlıq (İşxanadzor) kəndi ərazisində məskunlaşan Suriyadan köçmüş 37 erməni ailəsi üçün evlərin tikintisi davam edir. Məlumata görə mart ayının 25-də həmin ailələrdən ikisinə yeni evlərin açarları təqdim edilib. Qondarma respublikanın kaşatağ rayon rəhbəri Suren Xaçatryanın verdiyi məlumata görə Suriydan gəlmiş ermənilərin evlə təmin olunması onların qarşısına qoyulmuş bir nömrəli vəzifələrdən biridir:”Bu gün 2 ailəyə yeni evləri açarları təqdim edilid. Bundan əlavə daha 10 ailə Xanlıq kəndində (İşxanadzor) tikiləcək çoxmənzilli binada yerləşdiriləcəklər”.
S. Xaçatryanın sözlərinə görə Suriya erməniləri Kaşatağ rayonunun cənubunda yaşamaq istəyirlər:” Bu ərazilərdə məsuldar torpaqlar var. Ona görə də Suriya ermənilər bu yerlərdə məskunlaşıb, kənd təsərrüfatı ilə məşğul olmaq istəyirlər”
Rayon rəhbərinin sözlərinə görə artıq Suriyada yaşayan 20 erməni ailəsi də onlara müraciət edib: “Həmin ailələr də Xanlıq kəndi ərazisində məskunlaşıb kənd təsərrüfatı ilə məşğul olmaq istəyər. Onlar üçün ev tikildikdən sonra biz köçürməyə başlayacağıq”.
Qeyd edək ki, Qubadlı ərazisində 2012-ci ildən məskunlaşmağa başlayan suriya ermənilərinin sayı 200-dən artıqdır. Ərazidə məktəb, həkim məntəqəsi və digər infrostukturlar yaradılıb. Hazırda Xanlıq kəndində ki, orta məktəbdə 30-dan artıq şagird təhsil alır.

Vətəninfo.az