Tağı Əhmədov tədbir keçirdi

Yeni Azərbaycan Partiyası (YAP) Mərkəzi Seçki Qərargahının Yasamal rayon şöbəsi partiya fəallarının və imza toplayanların iştirakı ilə tədbir keçirib.

Tədbiri YAP Yasamal rayon təşkilatının sədri Tağı Əhmədov açaraq seçki hazırlığının ilkin mərhələsi üzrə görülən işlərdən danışıb.

Toplantıda seçki qərargahının iş bölgüsü aparılıb, qərargah üzvlərinə, deputatlığa namizədin müdafiəsi üçün seçici imzalarının toplanmasına cəlb edilmiş şəxslərə YAP Mərkəzi Seçki Qərargahının təlimat qaydaları haqqında kitabçaları paylanılıb.

Qeyd edək ki, tədbirdə ləğv olunan Azərbaycan Respublikasının Dövlət Torpaq və Xəritəçəkmə Komitəsinin sədri, hazırda YAP Yasamal rayon təşkilatının sədr müavini Qərib Məmmədov da iştirak edib.