Tehran təzyiqlərə dözmədi - gənc şairlər azadlığa buraxılacaq

Bir çenə gün öncə İranda həbs edilən azərbaycanlı gənc şairlər Fərid Hüseyn və Şəhriyar del Gerani iki gün ərzində azadlığa buraxıla bilər.

Etibarlı mənbələrdən “Veteninfo.az”a daxil olan məlumata görə, Azərbaycanın hüquq-mühafizə orqanları ilə İranın güc strukturları arasında ilkin razılıq əldə olunub. İran tərəfi yazarların azadlığıa buraxılacağı ilə bağlı öhdəlik götürüb.
Qeyd edək ki, poeziya festivalında iştirak etmək üçün İrana səfərə yollanmış gənc şairlər Fərid Hüseyn və Şəhriyar del Gerani Bakıya qayıtmalı olduqları gün – mayın 2-də İranda həbs olunublar. Həbsin motivi bəlli deyil. İran tərəfi bu barədə hər hansı rəsmi açıqlama verməyib. 

Oral MƏDƏNÇİ