Təzə gəlin dayısı ilə qaçdı

Dayısına qoşulub qaçan arvadından 100 minlik təzminat istəyir

Burdurda 26 yaşlı Süleyman Ç. 2012-ci ilin noyabr ayında öz dayısı - 23 yaşlı Hüseyin B. ilə qaçan 19 yaşlı həyat yoldaşı Havvali Ç.-dən 100 min lirə təzminat tələb edib.

Burdurun Bərəkət kəndində yaşayan Süleyman Ç. işdən evə qayıdanda həyat yoldaşı Havvali Ç. ilə 16 aylıq qızı Z.N.Ç-ni tapa bilməyib. Eyni kənddə yaşayan qayınatasının evinə gedən Süleyman Ç.yoldaşının orada da olmadığını görüncə axtarışa başlayıb. Süleyman Ç. yoldaşının dayısını çox sevdiyini bildiyi üçün qayınatası ilə onlara gedib. Lakin dayı Hüseyn B-nin kənddə olmadığını öyrənib və polisə şikayət edib. Hüseyn B. ilə Havvali Ç-nin yerini təyin edən polis qaçaqları həbs edib. Havvali Ç. və dayısı Hüseyn B. ifadələrində 5 ildir görüşdüklərini, heç bir təzyiq olmadan öz istəkləri ilə qaçdıqlarını söyləyiblər. 

Havvali Ç. dayısı Hüseyn B. əsgərlikdə olan vaxt ailəsinin onu güclə Süleyman Ç. ilə evləndirdiyini, dayısının onu zorla qaçırmadığını bildirib.

Kəmalə İbrahimli