TUMİB Qazax şəhərində təlim keçirdi

“Türkiyə Universitetləri Məzunları” İctimai Birliyi (TUMİB) “Regionlarda gənc sahibkarlar üçün biznes kurslarının keçirilməsi” layihəsi çərçivəsində Qazax şəhərində təlim keçirib.

“Vətəninfo.az”ın məlumatına görə, “Türkiyə Universitetləri Məzunları” İctimai Birliyi (TUMİB) Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə “Regionlarda gənc sahibkarlar üçün biznes kurslarının keçirilməsi” layihəsi çərçivəsində Qazax şəhərində 18-27 yaş arası gənclər arasında sahibkarlıq fəaliyyəti ilə bağlı bilik-bacarıq və təcrübəni inkişaf etdirilməsi, sahibkarlıqla məşğul olmaq istəyən imkansız gənclərə, müasir biznes idarəçiliyi vərdişlərinə yiyələnməsini təmin etmək, bölgənin gənc sahibkarlarının fəaliyyətinin nəticələrinin reallaşdırılmasına şərait yaratmaq məqsədilə təlim keçirib.

Qeyd edək ki, təlimdə çıxış edən “Türkiyə Universitetləri Məzunları” İctimai Birliyinin (TUMİB) sədri Cingiz Bayramov ölkəmizdə sahibkarlığın prioritet sahə olduğunu və Azərbaycan Gəncliyi 2011-2015-ci illər Dövlət Proqramında da gənclərin sahibkarlıqla məşğul olması xüsusi nəzərə alındığını bildirib.Təlimdə 50 –dən çox gənc iştirak edib.

Könül İbrahim