Miq.Az-ın xəbərinə görə, bu barədə vilayətin qubernatoru Roman Starovoit məlumat verib.

Onun sözlərinə görə, olay bu gün səhər saatlarında baş verib.

"Bu gün saat 7:30-da Ukraynadan Rılsk rayonundakı Krupets keçid məntəqəsi atəşə tutulub. Tələfat və dağıntı yoxdur”, - Starovoit bildirib.

O, zərbə nəticəsində yanğın baş verdiyini və dərhal qarşısının alındığını söyləyib.

Rusiya bundan əvvəl də Ukraynanı federasiya ərazisini atəşə tutmaqda ittiham edib. Belə ki, aprelin 30-da Bryansk yaxınlığındakı Jeça kəndində neft bazasında baş verən partlayışı Ukraynanın məsuliyyətinə yazıb. İddiaya görə, Ukrayna bazanı helikopterlə vurub.

Aprelin 29-da Rusiyanın Sintez kurqanındakı əczaçılıq zavodunda baş verən partlayışa görə də Ukrayna ittiham olunub.