Vilyam Hacıyev Bəhrəmtəpə səyyar qəbul keçirdi

Vətəninfo.az xəbər verir ki, Bəhrəmtəpə qəsəbəsində keçirilən səyyari qəbulda rayonda həyata keçirilən məqsədyönlü  tədbirlər  bir daha nəzərə çatdırılıb. Bəhrəmtəpə qəsəbə sakinlərinin əsas məşğuliyyəti əkinçilik və heyvandarlıqdır. İmişli rayon icra hakimiyyətinin başçısı cənab Vilyam Hacıyev dövlət başçısının regionların inkişafına göstərdiyi qayğıdan danışıb. Bildirib ki, rayonda kəndlərin qazlaşdırılması davam etdirilir. Kənd yolları da abadlaşdırılır, yeni sosial obyektlər inşa edilir. Rayonda təhsil ocaqlarının 80 faizi yenidən qurulub və əsaslı təmir edilib. Hazırda isə rayonda 2 körpələr evi-uşaq baxçasının tikintisi başa çatmaq üzrədir. Həmçinin bildirilib ki, istismar müddətini başa vuran köhnə elektrik dirəklərinin dəyişdiriməsinə ehtiyac var. İcra başçısı bildirib ki, bu məsələnin həlli ilə bağlı konkret tədbirlər görülür. İlin sonunadək kəndlərin qazlaşdırılması başa catacaq.Tədbirdə  çıxış edən sakinlər də öz növbəsində onlara göstərilən qayğıya görə dövlət başçısına minnətdarlıq ediblər. Görüşdə sakinlər tərəfindən qaldırılan müraciət və təkliflər dinlənilib,  aidiyyatı qurumlara və xidmət təşkilatlarına konkret tapşırıqlar verilib.

Babək

İmişli