“Xəzər Lənkəran”ının futbolçusu toyundan danışdı

“Xəzər Lənkəran” klubunun futbolçusu Alim Qurbanov futbol11.az saytına müsahibə verib. 35 yaşlı futbolçu sentyabrın 13-də baş tutacaq toyundan və hazırlıq planından danışıb.

- “Xəzər Lənkəran”ın məşqlərinə qatılmamağın toya hazırlığınla bağlıdır?

- Bəli. Sırf buna görə, baş məşqçi Yunis Hüseynovdan icazə almışam.

- Toy əvvəlcə sentyabrın 11-də baş tutmalıydı. Sonradan vaxtını niyə dəyişdin?

- Bu, millinin oyunu ilə bağlı deyil. Sadəcə öz oyunumuzla əlaqədardır.

- Toy mərasimi harada baş tutacaq?

- “Neolit”də.

- Toyu kim aparacaq?

- “Şeron” qrupu. Onlar mənim dostumdur. Aparıcı da onlar olacaq.

- Bəs Röyanın oxuyacağı deyilirdi…

- Yox. Bəlkə, Mais Mənsimov gətirdi, mənim xəbərim yoxdur.

- Toy üçün nə qədər xərcləyəcəksən?

- Qoy bu sirr qalsın. Mən göylə getmirəm. Bahalı nəsə etməyəcəm. Ucuzvari olacaq.

- Toya neçə nəfər çağırmısan?

- 300 nəfər dəvət etmişəm. Amma 50 nəfər üçün ehtiyat stol da saxlayacam.

- Kimləri toyda görmək olar?

- Azərbaycan futbolunda olan hər kəsi.

- Səncə, Azərbaycan futbolçularından toyda ən yaxşı oynayan kimdir?

- İndiki zamanda Elnur Allahverdiyev, Elnur Abdullayev yaxşı oynayırlar. Samir Ələkbərovun da Nazim Süleymanovun da rəqsini görmüşəm. Hər birini dəvət etmişəm.

- Legionerlərdən kim olacaq?

- Vobay, Parks və Devran Ayhan.

- Azarkeşlərdən kimi dəvət etmisən?

- Qapı hər kəs üçün açıqdır. Kim istəsə gələ bilər.

- Saç ustan kim olacaq?

- Stilist Cəmil olacaq. Toy insan həyatında bir dəfə olan hadisədir. Ona 100 manat verərəm.