YAP prezidentliyə namizədini açıqladı

"Təəssüf ki, bəzi mətbu orqanlar bu məsələ ilə bağlı təxribatla məşğul olur".

 “Yeni Azərbaycan Partiyasının 2013-cü ildə keçiriləcək prezident seçkilərində namizədi partiyamızın sədri İlham Əliyev olacaq. Bu, birmənalıdır. Təəssüf ki, bəzi mətbu orqanlar bu məsələ ilə bağlı təxribatla məşğul olur”. APA-nın məlumatına görə, bu açıqlamanı jurnalistlərə hakim Yeni Azərbaycan Partiyasının (YAP) icra katibi, partiyanın sədr müavini Əli Əhmədov verib. O qeyd edib ki, YAP-ın namizədi Azərbaycan xalqının istədiyi namizəddir.

Ə. Əhmədov YAP-ın qurultayının 2013-cü ildə keçiriləcəyini, İ. Əliyevin namizədliyinin məhz həmin qurultayda irəli sürüləcəyini vurğulayıb.