Yenə intihar...

Oğuz rayonunda asılmış yaşlı kişi meyiti tapılıb.  Hadisə Kərimli kəndində qeydə alınıb.
Məlumat daxil olan kimi hadisə yerinə hüquq-mühafizə orqanları əməkdaşları cəlb olunub. Araşdırmalar zamanı ölən şəxsin Bəxtiyar Əhməd oğlu Salamov olduğu məlum olub.
Müəyyən edilib ki, o, intihar edib. Bəxtiyar Salamov özünü yaşadığı evin çardağına çıxmaq üçün istifadə olunan nərdivandan asıb.
Yaxınların polisə verdiyi məlumata görə, Bəxtiyar Salamov vərəm xəstəsi olub. Son zamanlar onun bədənində şiddətli ağrılar olub.
Faktla bağlı cinayət işi başlanıb, araşdırma aparılır.

ANS