Yeni cəzaçəkmə müəssisələri tikilir

Ədliyyə sisteminin müasirləşdirilməsi istiqamətində həyata keçirilən islahatlar çərçivəsində penitensiar sistemin fəaliyyətinin yaxşılaşdırılması üzrə kompleks tədbirlər davam etdirilir. “Vətəninfo”nun məlumatına görə, azadlıqdan məhrum edilmiş şəxslərin beynəlxalq standartlara uyğun saxlanılması məqsədilə yeni penitensiar müəssisələrin tikilməsinin davam etdirilməsi Milli Fəaliyyət Proqramı ilə nəzərdə tutulan əsas istiqamətlərdən biridir. 

Məhkumların yaşayış yerlərinə yaxın ərazilərdə və beynəlxalq standartlara uyğun saxlanılmasının təşkili məqsədilə işgəncələrin qarşısının alınması üzrə Avropa Komitəsinin və xarici dövlətlərin təcrübəsi öyrənilərək müxtəlif regionlarda bütün kateqoriyadan olan məhkumlar üçün yeni qarışıq rejimli cəzaçəkmə müəssisələri tikilir.