95 avtobus sürücüsü cərimələndi

Bakıda marşrut avtobus sürücüləri qaydalara əməl etmədikləri üçün cərimələniblər.
Vətəninfo.az Axar.az-a istinadən xəbər verir ki, Nəqliyyatı İntellektual İdarəetmə Mərkəzini paytaxt ərazisində reydlərə davam edir.
Mərkəzin mətbuat xidmətinin rəhbəri Şəfa Mehmanqızı oxu.az-a açıqlamasında bildirib ki, Dövlət Avtomobil Nəqliyyatı Xidmətinin Bakı Sərnişin və Yük Daşımaları MMC əməkdaşları tərəfindən aparılan reydlər nəticəsində 95 marşrut avtobusunun sürücüsü cərimələnib.
Bundan başqa, 1 avtobus sürücüsü avtobusu sənədsiz idarə etdiyi üçün, 8 sürücü avtobusu qapını açıq idarə etdiyi, 86 sürücü isə dayanacaqdan kənarda avtobusu saxlayaraq sərnişin götürdüyü üçün cərimələnib.
Hazırda paytaxt ərazisində reydlər davam etdirilir.