“Ağızlarına gələni səsləndirirlər”

Xalq artisti Canəli Əkbərov şou-biznes nümayəndələrindən danışıb.

Xalq artisti müğənniləri savadsız olmaqda günahlandırıb: "İndi elə müğənnilər ortaya çıxıb ki, ifalarında deformasiyalar var. Elə müğənnilər meydan sulayır ki, onların səsləri təyin olunmayan səslərdir. Onlar Azərbaycan dilinin fonetikasını, qrammatikasını pozan ifaçılardı, tələffüzləri bərbad haldadır, ifalarında məntiq yoxdur. Bunları mən deməliyəm. İndiki səslərin ispan, qırğız, türkmən səsi olduğu bilinmir. Ağızlarına gələn avazı səsləndirirlər, səslərdə bədii ruh zəifliyi hiss olunur. Səslə sözün vəhdəti pozulur. Dediklərimin arxasındayam. "Xəzər TV”də məsələ qaldırmışam ki, bizə dəstək dursunlar, məni qabağa versinlər, bir qrup düzəldək. Bu cür ifaçıların qarşısını alaq”.

"Qafqazinfo"