Arda Turanın “Atletico Madrid”də qalmasında “Hafka” izi

La Liqanın prestijli klublarından olan “Atletico Madrid”in tük futbolçusu Arda Turanla mövcud müqaviləni 2017-ci ilə kimi uzatması ilə bağlı Vətəninfo.az-a maraqlı bir məlumat daxil olub. Türkiyədəki qaynaqlardan daxil olan məlumatda iddia edilir ki, uzun müddət Türkiyənin “Beşiktaş” futbol klubunun əsas aparıcı rəsmilərindən olan, futbol meneceri, eyni zamanda futbol şərhçisi Sinan Engin yaxın çevrəsinə Arda Turanın “Atletico Madrid”lə müqaviləsini 2017-ci ilə uzadılması ilə bağlı maraqlı bir iddia irəli sürüb. Məlumatda qeyd edilir ki, A.Turanın “Atletico Madrid”lə müqaviləsinin uzadılmasını “Atletico Madrid”in futbol geyimlərinin ön hissəsində “Azərbaycan” reklamının yerləşdirilməsində böyük xidmətləri olan azərbaycanlı iş adamı, Bakı Futbol Klubunun prezidenti Hafiz Məmmədov istəyib. İddiaya görə, H.Məmmədov A.Turanla müqavilə yeniləcəyi təqdirdə, o, “Atletico Madrid”lə müqavilənin müddətini uzada bilər. S.Engin iddia edib ki, “Atletico Madrid” rəsmiləri Arda Turanla müqavilənin uzadılmasında bir o qədər maraqlı olmayıblar. Amma klubun baş məşqçisi Dieqo Simyone A.Turanın klubda saxlanılması üçün bir neçə dəfə klub rəhbərliyi ilə müzakirələr aparıb, amma rəhbərlik A.Turanın klubda saxlanılması üçün maddi çəhətdən ciddi problemlər olduğunu bildirib. S.Enginin iddiasına görə, H.Məmmədovun prosesə əl qoyması ilə A.Turanla 2017-ci ilə kimi müqavilənin bağlanılması baş tutub.

Vətəninfo.az