Arvadı ilə mübahisə edib qonşunu bıçaqladı

Münaqişə zəminində Daşkəsən şəhər sakininə bıçaqla xəsarət yetirmiş şəxs tutulub.

Daxili İşlər Nazirliyinin (DİN) mətbuat xidmətindən Vətəninfo.az-a verilən məlumata görə, fevralın 18-də Daşkəsən şəhər sakini Əfqan Abdullayev qeyri-rəsmi nikah münasibətlərində olduğu Nailə Cəfərovanın yaşadığı mənzildə olarkən aralarında mübahisə baş verib. Səs-küyə gəlmiş qonşuları Ziyad Alıyev onları sakitləşdirməyə cəhd göstərib, bu zaman Ə.Abdullayev Z.Alıyevə bıçaqla xəsarət yetirib.

Daşkəsən rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində Ə.Abdullayev tutulub.