Arvadını zorlayan ərə 7 il iş verildi

 Həyat yoldaşına təcavüz iddiası ilə həbs olunan kişi uzunmüddətli həbs cəzasına məhkum edilib.

Gün.Az “Vatan” qəzetinə istinadən xəbər verir ki, Türkiyənin Zonquldak şəhərində yaşayan 28 yaşlı S.G. arvadını zorlamaqda ittiham olunaraq 7 il 3 ay müddətinə “içəri” salınıb.

Məlumata görə, eve sərxoş vəziyyətdə gələn S.G. 4 il əvvəl evləndiyi arvadı Ö.G. ilə mübahisə edərək onu döyüb və təcavüz edib.

Bundan sonra arvadının şikayəti əsasında həbs olunan S.G.-yə qarşı təcavüz və insan hüququnu məhdudlaşdırma ittihamı ilə cinayət işi başlanılıb.

S.G. ona qarşı irəli sürülmüş ittihamları qəbul etməsə də, məhkəmə təcavüz ittihamını sübuta yetirərək kişini 7 il 3 ay müddətinə azadlıqdan məhrum edib.