Azərbaycanda son bir həftənin ikinci zəlzələsi baş verib. Respublika Seysmoloji Xidmət Mərkəzindən verilən məlumata görə, ilkin məlumatlara görə yerli vaxtla saat 11:20:56-da Zaqataladan 21 km şimal-qərbdə Balakən ərazisində zəlzələ qeydə alınıb. 

Maqnituda 3.8 olan zəlzələ yerin 2 km dərinliyində olub. 

Xatırladaq ki, iyun ayının 2-də Oğuz rayonunda da zəlzələ olub. Maqnitudası 4.5 olan təkanlar yerin 10 km dərinliyində baş verib.  Zəlzələ episentrdə 4 bala qədər, ətraf rayonlarda isə 4-3 bala qədər hiss olunub.

Ətraf rayonlarda yaşayan əhalinin İstiPress-ə verdiyi məlumata görə, təkanlar bir neçə saniyə davam edib və əhali arasında təşviş yaradıb. Onlar evlərini tərk etməli olublar.