Azərbaycanın axtardığı şəxs Rusiyada həbs olunub

Adam oğurluğunda ittiham olunan azərbaycanlı Rusiayada həbs olunub.

Vətəninfo.az xəbər verir ki, Moskvada saxlanılan Azərbaycan vətəndaşı beynəlxalq axtarışda olub.

Məlumata görə, 30 yaşlı şəxs Azərbaycanda qadın oğurlayıb. Qadını bir necə gün zorla evində saxlayıb.
Faktla bağlı Azarbaycanda cinayət işi açılıb. Bundan sonra adı açıqlanmayan şəxs Rusiyaya qaçaraq orada gizlənə bilib.

Əməliyyat-axtarış tədbirləri zamanı onun gizləndiyi yer müəyyən edilib. O, Moskvanın cənub-şərqində müvəqqəti məskunlaşdığı yerdə saxlanılıb.

İndi saxlanılan şəxsin Rusiyada hər hansı cinayət işinə qarışıb-qarışmadığı araşdırılır. Onun Azərbaycana ekstradisiyası müzakirə edilir.